Babai i këngëtares së njohur Miriam Cani, Agim Cani, ka bërë një status të gjatë pas denoncimit tek emisioni Le Iene te shfrytëzimit qe po u behet fëmijëve në Bulqizë. Cani shpreh dhimbjen e tij për fëmijët që punojnë në ato kishte e po ashtu nuk harron të kritikojë ashpër qeverinë dhe autoritetet vendore. Agim Cani është lindur dhe ka jetuar për disa vite në Bulqizë.
Reagimi i plotë i Agim Canit
…vogelush…
Une qe te shkruaj , kam lindur e jam rritur ne Bulqize.
E shikoj , qe nje dore e ke ne koven e kromit dhe nje qe te mos bijen breket e te dale byca e vogel perjashte.
Sa dinjitet ne kete xhest , kur kujtoje qeveritare , deputet , prokurore e gjyqetar , polic e Nepunes , mjek e profesore te shkollave te larta qe kane 27 vite me sume zbuluar , me te dy duart zhytur ne korrupsion mut e prostitucion , droge e afere .
Lakuriq , por qe te duken te veshur kane shpik kostum Medie e portalesh , qe interpretojne gjitheshka por jo lakuriqesine e tyre.
….vogelush me dinjitet…
Edhe une kam patur femijerine time ne Bulqize . Femijeri normale. Te thjeshte.
Ndoshta nuk haja cdo dite mish , por cdo dite shkoja ne shkolle.
Nuk kishim celular por me dy shkrepse dhe nje fije pe benim dy telefona.
Kishim nje kinema, ku ne netet e ftohta te dimrit sillte seicili nje dru dhe fuqia e madhe na ngrohte te gjithe .
Aty per here te pare , kam mare inat greket qe na futen Kalin e Trojes ne Filmin Troja.
Vogelush ! Ne Himare nuk eshte vetem Kali Dule e Noka , por nje kavaleri e tere ka 27 vite.
Ty nuk te besohet, por ne Bulqize benim Festival Pioneresh vetem me forca krijuese te Bulqizes, muzikante e poete.
Mund te shkruaj shume sot , por dhimbja kur shoh foton tende nuk me le.
Dinjiteti jot me ngrin.
Me duhet jo nje gur kromi por Mali i Allamamit per tu rene ne koke ketyre banditeve qe vodhen e turperuan nje Shqiperi te tere.
Me shume se gropat e thella te shfrytezimit te kromit , jane gropat e korrupsionit varferise analfabetizmit qe krijuan ata qe kane vjedhur deri tani 10 miliard $ ne Bulqizen time.
Cfare me ka mbete ne mendje nga kjo foto?
Dinjiteti jot qe bycen tende te njome te mos e shoh kush.
Mbijetesa jote dhe madheshtia e varferise qe nuk shtrin doren tjeter per te lypur , por punon per buken e gojes.
Respekt dhe dashuri , per Ty vogelush !
Nga bulqizaku i perjeteshem …
