Babai i Meghan Markle ka qenë pjesë e medias kohët e fundit më shpesh se e bija e tij dhe e gjithë familja mbretërore. Me deklarata nga më të ndryshmet, si inati që Meghan nuk i jep para, lajmet për varësinë e tij ndaj drogës dhe ilaçeve, fakti që është i varfër, mosprezenca e tij në dasmën e parë të Meghan e shumë të tjera, Thomas Markle i përgënjeshtron të gjitha.
“Kam dhënë vetëm tre intervista por vërdallë ka me qindra histori që qarkullojnë. Janë të gjitha mashtrime dhe nuk është e drejtë të shpëtojnë pa u ndëshkuar. Kam lexuar histori për veten ku thuhej se jam i varur nga droga, alkooli dhe ilaçet. Si çdo njeri normal, marr ilaçe kur kam dhimbje, por kurrë nuk kam përdorur drogë dhe alkool konsumoj shumë rrallë,” sqaron 74 vjeçari për Daily Mail.
Markle ka një sqarim për të gjitha. Sipas tij, në vitet ’80 kur ai punonte në Hollywood ishte e pamundur të mos shihje tasa me kokainë gjithandej, e megjithatë nuk ka prekur asnjërën. Përsa i përket mosprezencës në dasëm, ai tha se e ka shoqëruar të bijën në altar së bashku me Dorian, nënën e Meghan-it. Ai shton se ka fotografi plot nga dasma e të bijës por nuk do t’i bëjë publike për të mos ofenduar princ Harry-n.
Ndërsa për paratë e pretenduara që Meghan nuk ia ka dhënë, ai sqaron se është i lumtur që i ka siguruar asaj një shkollim të mirë dhe nuk ka pritur para mbrapsht asnjëherë.
“Nuk jam i varfër, nuk mbaj inat, nuk kam pritur që Meghan t’më mbajë me para. Jam i lumtur për faktin që arrita t’i nxjerr fëmijët në jetë të shkolluar,” mësohet të ketë thënë ai.
Meghan dhe i ati nuk kanë folur bashkë qëkur Harry e telefonoi në spital dhe e shau për skandalin e paparacëve. Ai e akuzoi që inskenimet nga të cilat fitoi para, përpara ditës së dasmës.
Thomas Markle ende shpreson të pajtohet me të bijën, por nëse kjo ndodh ndoshta duhet të presë deri në shkurt, kur Harry dhe Meghan të shkojnë në SHBA për një tur./Opinion.al
