Një ngjarje e rëndë ka ndodhur mbrëmjen e së mërkurës në Barcelonë, ku babai i Lamine Yamal, Munir Nasraui, është plagosur me thikë në një parking.
Sipas “La Vanguardia”, ai u përfshi në një sherr në zonën e Mataro, ku është goditur më pas me thikë nga një person ende i paidentifikuar.
Munir Nasraui është shoqëruar menjëherë në spital dhe mediat spanjolle raportojnë se është në gjendje të rëndë, por jashtë rrezikut për jetën.
Disa dëshmitarë po merren në pyetje për inicidentin. Sipas atyre që kanë parë ngjarjen, babai i Yamal mori më shumë se një plagë me thikë.
Autoritetet kanë nisur hetimin për ngjarjen.
