Babai i kampionit të peshave të lehta në UFC Khabib Nurmagomedov, Abdulmanap ka vdekur në spital pas komplikacioneve të shëndetit të tij pasi u infektua me Covid-19.
Trajneri legjendar ishte shtruar në spital në Moskë për disa javë pasi pësoi një atak në zemër pas infektimit me Covid-19.
Vdekja e tij u njoftua nga udhëheqësi i Çeçen, Ramzan Kadyrov, siç raportohet nga RT, me një mesazh ku shkruhej: ‘Mora lajme të trishtueshme miq, që Abdulmanap Nurmagomedov është larguar nga kjo botë.
‘Nga të gjithë njerëzit çeçenë unë i ofroj ngushëllime të sinqerta familjes së Abdulmanap! Ai na la, duke lënë pas një emër të mirë dhe duke rritur një brez të denjë! ‘
Abdulmanap u sëmur në prill me simptoma të pneumonisë dhe gjendja e tij u përkeqësua.
Ai u dërgua më pas në spital në Moskë, ku ai rezultoi pozitiv me koronavirus dhe më pas pësoi një infarkt në zemër, përpara se t’i nënshtrohej një operacioni.
Trajneri veteran më pas u fut në një gjendje kome të induktuar dhe kur e rimori vetëdijen raportohej se kishte vështirësi me të folurin.
Shoku i familjes Ramazan Rabadanov i tha gazetës ruse Championat: ‘Abdulmanap pësoi dy goditje, në zemër dhe në tru.
Khabib kohët e fundit zbuloi se ai kishte vizituar babanë e tij çdo ditë në spital.
Ai tha: ‘Unë e vizitoj atë, ai më njeh mua, por nuk ka komunikim sepse është i lidhur me pajisjet [mjekësore].
‘Çdo ditë që më lejojnë të futem, e kaloj gjysmë ore [me të], i mbaj dorën. Kur e pyes: ‘Baba, a më njeh?’ Ai bën gjeste dhe më pohon që më njeh. ‘
Pas lajmeve se Abdulmanap ishte në gjendje kome, edhe rivali i i Khabib – Conor McGregor – dërgoi lutjet e tij më të mira në Twitter.
Ai shkroi: ‘Lutja për shërimin e Abdulmanap Nurmagomedov. Një burrë përgjegjës për më shumë kampionë botërorë, në aq shumë disiplina luftarake, sa nuk i dimë edhe ne.
‘Një gjeni i vërtetë luftarak! Shumë i pikëlluar kur dëgjova këtë lajm sonte. Lutja për familjen Nurmagomedov në këtë kohë. ‘
Abdulmanap ishte prania më me ndikim në karrierën e djalit të tij dhe madje e ktheu katin e poshtëm të shtëpisë së familjes së tyre në një palestër në mënyrë që Khabib të mund të stërvitej gjatë gjithë ditës.
Khabib do të mbrojë titullin e tij kundër Justin Gaethje më vonë këtë vit i cili pa dyshim do të marrë një peshë tjetër me rëndësi emocionale për kampionin tani me ikjen nga jeta të e babait të tij. /Opinion.al
