Haxhi Thaçi, babai i ish-Presidentit të Kosovës, Hashim Thaçi ka rrëfyer detaje nga takimi me të birin në Hagë, ku aktualisht ish-presidenti po gjykohet.
Babai i ish-presidentit, teksa ka folur për takimet tha se po të kishte mundësi do të merrte një banesë në Hagë, po sipas tij gjendja shëndetësore ia pamundëson që të shkojë shpesh për vizitë.
Ndër të tjera Haxhi Thaçi ka thënë se ishte shqetësuar për të birin, pasi gjatë vizitës vuri re se ai kishte humbur shumë peshë.
“Mos u mërzit, marre sen s’ke ba. Ai nuk u dok që po mërzitet. Ka hup shumë peshë atje në Hagë. Dojke me ma përhumb, thojke që po bën aktivitete sportive atje shumë”, tha ai, për Kanal 10.
Po ashtu ai deklaroi se Thaçi e të tjerët kanë shkuar në Hagë për faqe të bardhë.
“Pasha Zotin s’jam mërzitë veç për Hashimin, por për krejt popullin. S’kisha çka me ba. Isha në Hagë. Jam tut që po mërzitna fort. Unë jam vjetëru shumë. Edhe derxha, se vallain pa shku bile ni muj, qatje kisha gjet banesë edhe i kasha vizitu. Por, s’kam fuqi. Fryma e më ka lëshu takati. Hashimi ish mirë. S’di me të kallxu se kush u mërzitë ma shumë. Nuk mërzita fort, se e di që ka shku për faqe të bardhë. Ajo është nder. Ai ka shku për vendin e vet. Na krejt që jemi gjallë duhet me mendu edhe për ata që janë vra për vendin e vet. Unë i thash, mos u mërzitë se marre s’ke ba. Ai su doket që u mërzitë. Më met merak që si pashë ata tjerët”, tha ai./Opinion.al
