Një djalë ka marrë një email prekës nga babai i tij, dy vjet pas vdekjes. Mesazhi është postuar në faqen e forumit “Reddit” dhe letra nis në këtë mënyrë: “Përshëndetje bir. Po flas me ty nga varri. Unë gjithmonë të kam thënë që do të kthehem dhe se nuk do të ndahem nga ti”.
Më tej në mesazh thuhej: “Kur ti ta lexosh këtë mesazh, unë do kem ikur në botën tjetër. Shpresoj që deri më tani ju ta keni rregulluar mjaft mirë jetën dhe ta kesh ndihmuar nënën tënde të përshtatet. Unë kam besim të plotë se ti po kujdesesh për të po aq mirë sa e kam bërë dhe unë”.
Sipas “Daily Mail”, babai i tij ka përdorur një website të quajtur “FutureMe”, një shërbim që lejon të dërgoni email në të ardhmen.
