Në Gjykatën e Krimeve të Rënda, babai i biznesmenit Jani Zaka, Fehmi Zaka, sot, ka ndryshuar dëshminë e dhënë më parë para prukororisë në lidhje me kërcënimin e bërë nga Emiliano Shullazi dhe Gilmando Dani.
Zaka tha para Gjykatës se nuk e njihte Emiliano Shullazin dhe se nuk ishte kërcënuar asnjëherë as nga ai dhe as nga Gilmano Dani.
Në seancë mungoi Emiljano Shullazi, por ishin Gilmando Dani, Blerim Shullazi, Endri Zela dhe Endri Qyqja.
Ai madje tha se i vetmi problem që ka pasur, ka qenë drejtpërdrejtë me Fatmir Sinanajn, që sipas tij nuk i jep hipotekën e parkingut që ia ka blerë 300 mijë euro.
Ai tha se nga kërcënimet që ka marrë i biri, është larguar jashtë vendit pa dhënë adresë dhe e telefonon një herë në gjashtë muaj me numër privat.
Në Prokurori Zaka ka thënë se ai është kërcënuar nga njerëzit e Shullazit, ndërsa ditën e sotme në seancë ai tha se nuk i njeh fare ata, raporton “Panorama”.
