Një minator në Tanzani u bë milioner brenda natës pasi shiti dy gurë të çmuar, që konsiderohen si më të mëdhenjtë që janë gjetur ndonjëherë në vend.
Saniniu Laizer fitoi 3.4 milionë dollarë nga ministri i Minierave për shitjen e dy gurëve të quajtura “Tanzanite”, të cilat peshonin deri në 15 kilogramë.
“Do të bëjmë një festë të madhe nesër”, deklaroi babai i 30 fëmijëve për mediat e huaja.
Guri Tanzanite gjendet vetëm në pjesën veriore të Tanzanisë dhe përdoret për të bërë stoli. Ai është një nga xhevahiret më të rrallë të Tokës dhe shumë gjeologë vlerësojnë se burimet e tij mund të shterojnë krejtësisht brenda 20 vitesh.
Guri i shtrenjtë shfaqet në disa ngjyra dhe vlera varet nga sa e veçantë është. Sa më e pastër ngjyra dhe pastërtia, aq më i shtrenjtë çmimi.
Laizer, i cili ka katër gra tha se theri një lopë për të festuar këtë ngjarje dhe se planifikon që të investojë në komunitetin ku jeton pas fitimit të këtyre parave./Opinion.al
