Anxhelina Petro u vra më 2 janar të këtij viti nga babai i saj Aleko Petro në ishullin e Korfuzit.
Ngjarja tronditi mbarë opinionin publik në Greqi dhe Shqipëri.
Ajo që e bëri edhe më tronditëse ngjarjen ishte se babai e groposi trupin e bijës me gjasa të gjallë, ndërsa ishte qeni besnik i vajzës që e drejtoi policinë për në vendin ku ishte fshehur trupi në oborr,
Shkak për këtë ngjarje dyshohet mospranimi nga ana e babait të lidhjes që 29-vjeçarja kishte me një shtetas afgan.
E ftuar në emisionin “Me zemër të hapur” në Neës 24, Xhezmije Hoxhallari, mamaja e Anxhelinës, tha se vajza e saj kishte dy njerëz të afërt në Greqi, që ishin kumbara e saj dhe bashkëshorti afgan.
Ajo rrefeu më tej se kur ishte në Korfuz, kërkoi të takojë të dashurin afgan të vajzës, por ai ishte shtruar në spital në gjendje të rëndë, për shkak të shokut që kishte kaluar.
“Nuk e mendoja kurrë që e kishte vrarë babai (qan). Në Greqi më pritën shumë mirë, i falënderoj dhe i respektoj për atë që kanë bërë. Dhe ajo nënoja që e ka pagëzuar që është bërë nënë e dytë dhe bashkëshortin e vajzës. Nuk e takova dot sepse ai kishte kaluar një gjendje shumë të keqe dhe ishte në spital. Edhe nënoja e kishte përjetuar shumë keq”, tha mamaja e Anxhelinës.
Krahas vrasjes, Aleko Petro babai vrasës dyshohet se ka ushtruar dhunë seksuale ndaj vajzës së tij.
Teksa pritet përgjigjja e rezultateve të ADN-së për të vërtetuar Aleko Petro e ka përdhunuar të bijën, avokati i tij, Vassilis Noulezas, deklaroi se nëse rezultatet e analizave mjeko-ligjore vërtetojnë një fakt të tillë, atëherë ai do të heqë dorë nga çështja.
