Kryegjyshi Botëror i Bektashinjve Haxhi Dede Edmond Brahimaj ka vlerësuar figurën e kryepeshkopit Anastas Janullatos, i cili u nda nga jeta pak ditë më parë.
Baba Mondi zhvilloi homazhe në ndër të tij, ndërsa për mediat ai përcolli edhe një mesazh, duke thënë se “Anastas ishte një personalitet dhe largohet nga kjo botë duke lënë pas një vepër për Kishën Ortodokse dhe për shqiptarët.
Haxhi Dede Edmond Brahimaj tha se Anastas Janullatos ka qenë njeri që ka bashkëpunuar me komunitetet fetare.
“Ishte personalitet i Kishës Ortodokse shqiptare. Ka qenë njeri që ka bashkëpunuar me komunitetet fetare dhe mua personalisht. Më vjen keq që çdo njeri largohet nga kjo botë, por ai largohet me një vepër që ka lënë pas kishës ortodokse shqiptare, por edhe shqiptarëve. Ngushëllime Kishës Ortodokse, zoti e pastë në parajsat e veta”, tha Baba Mondi për mediat.
