Komisioni Europian publikoi raportin për sa i përket ecurisë së shteteve si Shqipëria, Bosnja dhe Hercegovina, Mali i Zi, Maqedonia e Veriut , Serbia, Gjeorgjia, Moldavia dhe Ukraina.
Në raportin e KE thuhej se këto shtete vazhdojnë të plotësojnë kërkesat për liberalizimin e vizave, dhe se lëvizja pa viza vazhdon të sjellë përfitime pozitive ekonomike, sociale dhe kulturore për shtetet anëtare të BE-së dhe vendet partnere.
Gjithashtu, në këtë raport theksohej se mbetet ende i lartë numri i azilkërkuesve shqiptarë në vendet europiane dhe se në këtë aspekt Shqipëria duhet të bashkëpunojë me vendet partnere.
Por, për kryetarin e Grupit Parlamentar të Partisë Socialiste, Taulant Balla, përfundimet e raporti të KE-së janë pozitive për vendin tonë.
Sipas tij, raporti paraqet qartazi përparimet e bëra nga Shqipëria në plotësimin e kërkesave të lëna nga raportimi i dytë.
LEXO EDHE: Raporti i KE: Numri i azilkërkuesve nga Shqipëria është shqetësues
Postimi i Ballës
Një tjetër vlerësim pozitiv vjen sot nga Komisioni Europian. Në raportin e tretë e publikuar sot mbi funksionimin e regjimit pa viza me vendet e Ballkanit Perëndimor (Shqipëria, Bosnja dhe Hercegovina, Maqedonia e Veriut, Mali i Zi dhe Serbia), si dhe me vendet e Partneritetit Lindor, Komisioni paraqet qartazi përparimin e bëra nga vendi ynë në plotësimin e kërkesave të lëna nga raportimi i dytë.
Në raport Komisioni përmend ndër të tjera:
? Përparim i mirë është arritur në zbatimin e veprimeve për të trajtuar migrimin e parregullt, përfshirë kontrollet e përforcuara kufitare.
? Bashkëpunimi i mirë për ripranimin vazhdoi dhe duhet të ruhet, si dhe bashkëpunimi me BE dhe Shtetet Anëtare për migracionin dhe sigurinë.
Në raport Komisioni vlerëson rezultatet e arritura nga Shqipëria dhe sigurisht inkurajon “përmirësimin dhe qëndrueshmërinë e rezultateve”. #tëVendosurnëRrugëneReformave ????
?https://ec.europa.eu/home-affairs/sites/homeaffairs/files/20200710_com-2020-325-report_en.pdf/ Opinion.al
