Finlanda do të mbyllë 4 nga 9 pikat e saj kufitare me Rusinë, duke akuzuar Moskën se po lejon emigrantët e paligjshëm të kalojnë kufirin mes dy vendeve, njoftoi sot qeveria finlandeze.
“Qeveria ka marrë vendimin për mbylljen e vendkalimeve kufitare Vaalima, Nuiyama, Imatra dhe Niirala në kufirin midis Finlandës dhe Rusisë”, tha Ministrja e Brendshme Marie Radtanen në një konferencë për shtyp.
Qeveria finlandeze kishte paralajmëruar të martën se po shqyrtonte mbylljen e kufirit me Rusinë, duke shprehur dyshime se Moska po përpiqej të destabilizonte vendin, i cili u bashkua me NATO-n në prill.
Finlanda ka shënuar rritje të numrit të emigrantëve të paligjshëm gjatë javëve të fundit nga vendet e Lindjes së Mesme dhe Afrikës, veçanërisht nga Iraku, Somalia dhe Jemeni, raporton Reuters.
“Duam që ky fenomen të ndalet, duam që aktiviteti në kufi të kthehet në normalitet”,-tha Radtanen.
