Avokatja Enida Bozheku këtë të mërkurë në emisionin Opinion, teksa po diskutohej për prostitucionin në Shqipëri, tha se legalizimi do të zgjidhte disa probleme shumë thelbësore.
“E para kontrolli i moshës. Duhet të jetë një legalizim me rregulla. Kush do e ketë kontrollin, që janë organe të policisë, me kontrolle të herë pas hershme, në një sistem të monitoruar me kamera për ti siguruar jetën, sepse është konteksti i dhunës që ndodh. E dyta është problem shumë i rëndësishëm i shëndetit. Më parë u fol për një vajzë prostitutë që ka tre fëmijë, ajo i ka si pasojë se nuk është mbrojtur po kush garantin që nuk është mbartëse e sëmundjeve seksualisht të transmetueshme. Sëmundjet seksualisht të transmetueshme janë problem, nëse pyesim në qendra shëndetësore gjinekologët kemi fenomene e abortit që lidhen me prostitucionin. Legalizimi i rregulluar me forma ligjore që i përshtate kontekstit ligjor të vendit tonë, edhe moralit, duhet të kemi kujdes”, tha avokatja.
Sipas avokates, Enida Bozheku prostitutat e luksit nuk dënohen, për shkak se shkojnë me njerëz të pushtetshëm dhe mbrohen.
“Prostituta e klasit, për aq kohë sa merr atë lloj shifrash do të thotë që shkon me njerëz të pushtetshëm ndërsa njerëz të pushtetshëm në një situatë, në të cilën prostitucioni në të dyja anët është i ndaluar, do të thotë që mbrohet”. / Opinion.al
