Avokatja e Popullit Erinda Ballanca thotë se një nga arsyet pse ka mbingarkesë në burgjet shqiptare janë edhe mediat.
Ballanca u shpreh se media është një nga faktorët që e ka shtyrë popullatën në këtë fakt pasi gjithë sistemi janë vënë nën presion se pse persona të caktuar që akuzohen për një vepër penale janë jashtë dhe nuk janë në burg.
Në emisionin “Opinion”, Ballanca tha; “Ka një lloj vullneti të të gjithë popullatës shqiptare që çdo person që në momentin që akuzohet ka një pritshmëri që personi sapo merr një akuzë ai të shkojë në burg.”
Erinda Ballanca: Ka një lloj vullneti të të gjithë popullatës shqiptare që çdo person që në momentin që akuzohet ka një pritshmëri që personi sapo merr një akuzë ai të shkojë në burg. Kjo gjë duhet të jetë përjashtim dhe jo rregulli. Nga ana tjetër ka pasur një numër faktorësh që e kanë shtyrë dhe besoj se dhe mediat janë një faktor jo pak i rëndësishëm me këtë çështje.Gjithë sistemi janë vënë nën presion se pse persona të caktuar që akuzohen për një vepër penale janë jashtë dhe nuk ajnë në burg. Ka shumë faktorë që ndikojnë, ky është një nga faktorët.
Duhet të ketë një zbatim të drejtë të masave të sigurisë sepse prezumimi i pafajësisë është një e drejtës kushtetuese e qytetarëve derisa të marrësh nje vendim të formës së prerë. Ajo që ka një element të rëndësishëm me nisjen e reformës në drejtësi numri i personave të cilët shkonin në burg është më i madh. Sigurisht edhe politika penale ka pasur ndryshime në Shqipëri, por më e madhe ka qenë pastaj problem që këto persona të qenë në një presion shumë të madh thanë më mirë unë të bëhem më katolik se papa dhe ta çoj në burg sesa të më thonë se je korruptuar nga ky individi.
Blendi Fevziu: Po si mund të niset drejtësia me mendjen se çfarë mund të më thonë mua të tjerët?!
Erinda Ballanca: Ne kemi sot që flasim gjysmën e sistemit në punë. Ne skemi sot njerëz.. Çështjet nuk kanë ecur. Ka shumë çështje. Pandemia ka pasur rolin e vet, edhe termeti. Sot burgjet i kemi mbi kapacitet. Mbipopullmi më i madh është në pjesën e të paraburgosurve.
Gjithashtu avokatja Ballanca përmendi edhe një anomali në sistemin tonë të drejtësisë pasi lidhur me të dënuarit me burgim të përjetshëm të cilët janë në një moshë të thyer dhe kanë pasur sjellje të mirë në burg të bëhet i mundur lirimi i tyre.
Erinda Ballanca: Kjo është një anomali e sistemit tonë ligjor që duhet të adresohet. Të lejohet mundësia që persona që kanë dënim të përjetshëm, nëse kanë sjellje të mirë të lirohen. Shqipëria se ka kapërcyer këtë. Presioni më i madh publik është që të kthehet dënimi me vdekje. Ne duhet të kuptojmë se ka një dritë në fund të tunelit përndryshe ata kthehen në njerëz që vegjetojnë ose të mendojnë të kryejnë aktivitet kriminal edhe brenda burgut.
