Shoferi i cili shkaktoi aksidentin me 10 të vdekur dhe dhjetra të plagosur në Koraci i është caktuar masa e paraburgimit për një muaj.
Avokati i tij, Igor Cisper bëhet me dije të ketë thënë se shoferi nuk i ka thënë atij se e kishte zënë gjumi gjatë drejtimit të autobusit, raporton Index.hr. 52-vjeçari do të mbrohet edhe nga avokati tjetër Ljubo Pavasoviq Viskoviç.
“Në asnjë moment ai nuk më tha se e zuri gjumi”, tha Igor Cisper, avokati i shoferit, duke shtuar se nuk mund tregojë se çfarë i ka thënë klienti i tij.
Por të dielën, zëvendësi i Prokurorit Komunal të Shtetit në Kroaci, Slavko Pranjiç, tha se shoferi i kishte thënë se e kishte zënë gjumi për një moment në timon.
“Shoferi u arrestua nën dyshimin për drejtimin e automjetit në mënyrë të papërshtatshme. Cilat janë arsyet për këtë, nuk mund të themi tani për tani. Ai deklaroi se e zuri gjumi për një moment, por ne do ta përcaktojmë atë më vonë” kishte deklaruar Pranjiç.
Shoferi që shkaktoi aksidentin pritet të gjykohet nga drejtësia kroate dhe do të procedohet penalisht për dyshimin e kryerjes së veprës penale “shkaktimi i aksidentit të trafikut në trafikun rrugor”, për të cilin dënimi maksimal është deri në 15 vjet burgim.
Ndërkohë që më herët për mediat Josip Mataija, shef i Shërbimit të Sigurisë në Trafik në Kroaci tha se tragjedia do të ishte më e vogël nëse udhëtarët do të ishin lidhur me rripin e sigurisë./Opinion.al
