I Ngarkuari me Punë i SHBA David Wisner është takuar ditën e sotme me kryetaren Klotilda Bushka dhe nën-Kryetaren Dhurata Çupi të Komisionit për Çështjet Ligjore, Administratën Publike, dhe të Drejtat e Njeriut.
Nëpërmjet një postimi në rrjetet sociale, konfirmohet qëndrimi i SHBA mbi nevojën për të çuar përpara procesin e përzgjedhjes së Avokatit të Popullit.
Gjithashtu, SHBA rithekson rëndësinë që ka shumica dhe opozita në një demokraci. I ngarkuari me punë ka vënë theksin te përpjekjet e Shqipërisë për reformën në drejtësi.
Postimi i Ambasadës Amerikane
Për të diskutuar përparësitë legjislative të Kuvendit, I Ngarkuari me Punë i SHBA David Wisner u takua me Kryetaren Klotilda Bushka dhe Nën-Kryetaren Dhurata Çupi të Komisionit për Çështjet Ligjore, Administratën Publike, dhe të Drejtat e Njeriut sot pasdite. Ata ranë dakord për rëndësinë e posteve kyçe si ai i Avokatit të Popullit, natyrën kritike të përpjekjeve të Shqipërisë për reformën në drejtësi, si dhe rolin që shumica dhe opozita luajnë në një demokraci të shëndetshme.
