Avokati i Nazer Seitit, të dyshuarit si financier i bandës “Habilaj”, ka kallëzuar prokurorët e Krimeve të Rënda për ekstradiminin e të pandehurit. Avokati Detar Hysi ka thënë se menjëherë pas lajmit të ekstradimit ka njoftuar Prokurorinë e Krimeve të rënda, e cila nuk mori asnjë masë.
Ekstradimi i Seitit ka sjellë përplasje mes Ministrisë së Drejtësisë dhe Prokurorisë së Përgjithshme. Seiti u ekstradua nga Shqipëria drejt Catania-s në Itali më 25 Janar, dhe kjo ka shkaktuar një debat të madh edhe mes Opozitës, e cila akuzon kryeprokuroren Arta Marku se po mbron ish-ministrin e Brendshëm Saimir Tahiri.
