Avokati i 3 dëshmitarëve që janë lënë në burg pasi dyshohet se kanë penguar zbardhjen e vrasjes së Egli Progës, ka folur për mediat pas seancës gjyqësore.
Ai e ka cilësuar vendimin absurd pasi sipas tij se nuk ka provë që të kenë lidhje me dëshmitarët, për atë çka akuzohen.
“Qëndrimi im dihet. Nuk kemi ndonjë provë për dy të mbrojturit prej meje, të kenë lidhje për atë që akuzohen për veprime që pengojnë zbulimin e së vërtetës, që është diçka absurde”, tha avokati.
Pse u ndryshua masa e sigurisë?
Avokati: Pyet gjykatën. Prova të reja sipas Prokurorisë, është një akt-ekspertimi që nuk jemi njohur, që thotë se mund të ketë patur ndërhyrje në kamera, për të dyja objektet.
A janë prishur provat nga vendi i ngjarjes?
Avokati: Jam avokat, jo hetues, as oficer i policisë gjyqësore.
Çfarë thonë të akuzuarit, a i kanë kryer këto veprime?
Avokati: Nuk i kam pyetur, as nuk janë marrë në pyetje. Nuk i ka thërritur njeri t’i pyesë për ngjarjen.
