Avokati grek Vassilis Noulezas deklaroi se nëse rezultatet e analizave mjeko-ligjore vërtetojnë se Anxhelina Petro është dhunuar seksualisht nga i ati, Aleko Petro, ai do të hiqte dorë menjeherë nga çështja.
“Nëse rezultatet e analizave nga mjekët ligjorë vërtetojnë se Anxhelina ka përjetuar përdhunim apo dhunë seksuale nga i ati, do jap dorëheqjen menjëherë”, mësohet të jetë shprehur avokati në mediat greke.
Kujtojmë se Aleko Petro, pas një debati të ashpër me vajzën e tij Anxhelina Petro, e goditi më shumë se 7 herë në kokë me një shufër metalike, duke i shkaktuar vdekjen. Trupin e vajzës 29-vjeçare e varrosi në oborrin e pasëm të shtëpisë së tij.
Ngjarja ka ndodhur pasi 52-vjeçari nuk pranonte lidhjen e së bijës me një emigrant afgan, i cili është fëmijë i birësuar i një çifti grek. Anxhelina Petro bashkëjetonte me të dashurin e saj afgan prej rreth 13 muajsh./E.M
