Avokati i Ervis Martinajt, Mirash Martini, të hënën, deklaroi se klienti i tij, Ervis Martinaj nuk ishte në dijeni të arsyeve të sherrit që ndodhi në zonën e ish-Bllokut në kryeqytet.
Avokati tha në studion e emisionit ‘Opinion’, se Ervis Martinaj së bashku me Eljon Haton janë nisur për të shkuar në një lokal tjetër në zonën e ish-Bllokut, përballë lokalit ku dhe ndodhi konflikti.
Martini deklaroi se në momentin që kanë parkuar automjetin, ata janë ftuar nga pronari i lokalit, Redi Popesku, për të pirë diçka në lokalin e tij.
Sipas tij, klienti i tij, bashkë me Popeskun janë ulur në banak për të pirë diçka dhe nuk ka qenë në dijeni të konfliktit që kishte Fabian Gaxha me komandon.
