Të paktën 27 persona kanë humbur jetën pas rrëzimit të një avioni të vogël, mbi një lagje të populluar në qytetin Goma, në Republikën Demokratike të Kongos.
Avioni i tipit Dornier 228-200 që operohej nga kompania lokale Busy Bee, u përplas vetëm pak kohë pasi ishte nisur nga një tjetër qytet, ndërsa kishte në bord 16 pasagjerë dhe dy anëtarë të ekuipazhit.
Sipas dëshmitarëve të ngjarjes, pasagjerët dhe pilotët janë nxjerrë pa pasoja nga ulja e papritur, por shkak i vdekjeve ka qenë shpërthimi pak minuta më vonë i mjetit fluturues.
Meqënëse ishte një zonë e banuar, të shumtë ishin ata që u mblodhën në vendngjarje dhe më pas humbën jetën pas shpërthimit të avionit. Autoritetet po punojnë për nxjerrjen e të tjerë trupave nga ajo qe mbeti pas shpërthimit./Opinion.al
