Duket se po shkon drejt zgjidhjes enigma e avionit që më shumë se dy javë më parë u gjet në Vermosh, ndërsa në bordin e tij nuk kishte asnjë person. Sikurse bën me dije abc news, policia dhe prokuroria kanë arritur të identifikojnë personat që ndodheshin në avion, bazuar në shenjat e gishtave dhe mbetjeve biologjike të gjetura në mjet.
Është fjala për 2 pesona me shtetësi shqiptare, të cilët janë shpallur në kërkim pas identifikimit që u bë disa ditë më parë në bazë rë përgjigjes së ADN-së.
Grupi hetimor është duke punuar për të zbuluar dhe identifikuar edhe personat e tjerë që ndihmuan për t’i larguar prej andej. Policia ka mundur të sigurojë prova edhe për një mjet tip fuoristradë, që i ka ndihmuar të largohen, por ende nuk kanë rënë në gjurmët e shoferit. Ashtu sikurse u tha edhe në media dyshohet se avioni përdorej për trafik të lëndëve narkotike./Opinion.al
