Avioni që transportonte Emiliano Sala, futbollistin e Nantës për në Kardif u zhduk sot paradite nga radarët dhe deri më tani nuk ka asnjë gjurmë të gjetjes së tij.
Polici britanike thotë se ka gjetur disa copëza, por nuk konfirmon se i përkasin të njëjtit avion.
Por për shkak të errësirës është e pamundur të vazhdojë më tej kërkimet.
“Gjatë një kërkimi 15 orësh, ku janë përdorur shumë mjete të ndryshme, janë parë mbi sipërfaqe shumë objekte lundruese. Ne nuk jemi në gjendje të konfirmojmë se ndonjëra prej tyre i përket avionit të humbur. Nuk kemi gjetur asnjë shenjë të personave në bord. Nëse ata kanë bërë ulje të detyruar në det, atëherë shanset për mbijetesë, fatkeqësisht janë shumë të vogla. Operacionet do të nisin me lindjen e diellit, pasi janë ndërprerë për shkak të errësirës”, përfundon njoftimi.
Futbollisti argjentinasi kishte firmosur kontratën e re me Kardifin pak ditë më parë.
Ai kishte udhëtuar edhe më herët me po të njëjtin avion.
Ndërkohë që shpresat për të mbijetuar sa vijnë edhe bëhen më të pakta.
