Një avion i nisur nga Rinasi me destinacion Milanon nuk ka mundur të vijojë të plotë udhëtimin e tij por është detyruar të kthehet mbrapsht në aeroport.
Shkak për këtë është bërë transponderi që transferon te radari sinjalin e ardhjes dhe të mbërritjes. Është konstatuar se transponderi nuk po e kryente këtë funksion.
Ngjarja ka shkaktuar panik dhe frikë për 90 pasagjerët e avionit të “Blu Panorama”.
Avioni fluturoi rreth 19 minuta, por pasi pësoi defekt u ul në Rinas.
Mësohet se pasagjerët do mund të udhëtojnë sërish brenda një kohe të shkurtër.
