Një avion i kompanisë Delta që fluturonte nga Atlanta në Barcelonë, u detyrua të bënte ulje emergjente për shkak të një problemi shumë të pazakontë.
Sipas mediave të huaja, bëhet fjalë për një pasagjer i cili kishte probleme me diarrenë dhe përjetoi shqetësime të rënda gastrointestinale, duke rezultuar në një situatë mjaft të çrregullt në bord.
Incidenti ndodhi në një avion Airbus A350, afërsisht dy orë pas udhëtimit të tij nga Gjeorgjia në Spanjë. Rreth dy orë pas ngritjes, piloti i Delta kontaktoi kontrollin e trafikut ajror në Atlanta dhe kërkoi leje për t’u kthyer në aeroport dhe për të ulur atje për shkak të një “çështjeje të rrezikut biologjik”.
Përfundimisht, Fluturimi DL194 arriti në Barcelonë në orën 17:10. të nesërmen, tetë orë me vonesë se sa ishte planifikuar fillimisht. Mbetet e paqartë nëse pasagjeri përgjegjës për incidentin ishte në bordin e avionit kur ai mbërriti në Spanjë.
Ekuipazhet e pastrimit ishin në gjendje të dezinfektonin plotësisht avionin pas kthimit të tij në Atlanta, pasi të dhënat e fluturimit tregojnë se ai u përdor më pas për një fluturim tjetër.
Zyrtarët e Delta konfirmuan se në aeroplan kishte ndodhur një “çështje mjekësore”. Megjithatë, kompania nuk ka dhënë detaje specifike në lidhje me incidentin mjekësor.
“Ekipet tona punuan sa më shpejt dhe në mënyrë të sigurt që të ishte e mundur për të pastruar plotësisht aeroplanin dhe për t’i çuar klientët tanë në destinacionin e tyre përfundimtar,” tha linja ajrore në një deklaratë.
“I kërkojmë sinqerisht falje klientëve tanë për vonesën dhe shqetësimin në planet e tyre të udhëtimit.”/Opinion.al
Video emerges from Delta flight that had to make emergency landing due to passenger’s diarrhea https://t.co/Qppgulm37O
— Breaking911 (@Breaking911) September 6, 2023
