Emigrantët sirianë të cilët braktisin vendin e tyre për të gjetur një jetë më të mirë në shtete të tjera europiane, shpesh janë objektiv i sulmeve të ndryshme.
Më të rëndë e bënë situatën, kur personat dhunues të tyre janë pjesë të autoriteteve të një shteti.
Një ngjarje e rëndë ka ndodhur në kufirin mes Maqedonisë së Veriut dhe Serbisë. Autoritetet serbe kanë ndaluar një grup emigrantësh sirianë, i kanë detyruar ata që të zhvishen dhe më pas i kanë kthyer përsëri drejt Maqedonisë së Veriut, pavarësisht temperaturave të ulëta.
“Legis”, një organizatë joqeveritare e Maqedonisë së Veriut, pretendon se kjo ishte hera e dytë që ndodh një gjë e tillë, brenda 24 orëve.
Ngjarja e parë kishte të bënte me më shumë se 50 persona të cilët u detyruan të zhvisheshin lakuriq ose gjysmë lakuriq nga autoritetet serbe para se të ktheheshin me forcë në Maqedoninë e Veriut.
