Abdulgadir Masharipov, autori i masakrës së Vitit të Ri në Stamboll me 39 viktima u arrestua mbrëmjen e të hënës. Ai ka pranuar autorësinë e masakrës në diskotekën Reina në Stamboll. 33 vjecari nga Uzbekistani është stërvitur në Afganistan dhe njeh katër gjuhë të huaja.
Bashkë me të janë arrestuar dhe pesë persona të tjerë të cilët dyshohen se janë militantë xhihadistë, dhe të paktën tre prej tyre janë gra. Masharipov ka qëndruar i fshehur tre ditë në një apartament në zonën e Esenyurt ku arrestua, dhe mendohet të jetë një strehë e ISIS.
33 vjecari u gjet në apartament së bashku me djalin e tij katër vjeçar. Në banesë policia turke ka sekuestruar armë të ndryshme, dy pistoleta, një dron, disa karta telefoni dhe 197 mijë dollarë.
