30-vjeçari Eduart Kësolla, i cili u ndalua nga Policia për vrasjen e 47-vjeçarit Prek Tonaj, ngjarje e ndodhur dy ditë më parë në fshatin Grudë e Re në Shkodër ka mohuar krimin.
Burimet për Klan News bëjnë me dije se 30-vjeçari ka deklaruar se nuk ka qënë atë natë në vendin e ngjarjes. Nga ana tjetër e tij prova që mendohet se ka bindur hetuesit e policisë se ky Kësolla është autor i dyshuar i vrasjes janë gjurmët e barutit të gjetura në duart e tij.
Dyshohet se kjo ngjarje ka lidhje me konfliktet e hasmërisë mes dy fiseve, Tonaj dhe Kësolla. Eduart Kësolla u morr dje nga banesa e tij u shoqërua për në ambientet e komisariatit të Policisë së Shkodrës.
Gjatë kontrollit në banesën e 30-vjeçarit nuk i janë gjetur armë, megjithatë tashmë mbi 30-vjeçarin rëndon akuza e vrasjes për gjakmarrje.
Gjakmarrja mes familjes Tonaj dhe Kësolla në Shkodër daton të paktën që prej kohës së komunizmit. 30-vjeçari Eduart Kësolla i arrestuar të hënën për vrasjen e Prekë Tonajt, është djali i Pal Kësollës, i vrarë nga fisi Tonaj në vitin 1996.
Vetë Pal Kësolla ishte personi i cili vrau vëllain e Prekë Tonajt, Nikollë Tonaj. Ngjarja në fjalë ndodhi në burg, në kohën e diktaturës komuniste./Opinion.al
