Kronikë

Autori dhe viktima në Kuçovë ishin krushq, 58-vjeçari: Më ngeli në dorë


Bëhu pjesë e Grupit Zyrtar të Opinion.al
>> KËTU <<
               Publikuar në : 10:37 - 21/01/22 |
Opi Nion

Detaje të reja kanë dalë nga ngjarja e rëndë e ndodhur në fshatin Kozare të Kuçovës, ku fqinji mbyti me duar dhe hodhi në kanal komshien e tij, 64-vjeçare.

Fetah Marra, 58-vjeçari i dyshuar për ngjarjen erëndë ka pranuar krimin para policisë. “Më ngeli në dorë, se kuptova se si vdiq”, është shprehur ai.

Burime bëjnë me dije për ABC se Marra dhe viktima Fatime Suli 64-vjeçe kishin lidhje krushqie me njëri tjetrin. 64-vjeçarja jetonte në banesë me bashkëshortin dhe ishte nënë e dy fëmijëve, një djali dhe një vajze.

Ndërsa autori ishte i divorcuar nga gruaja dhe jetonte i vetëm. Familja e viktimës i kishte dhënë Marrës një shumë parash në formë borxhi dhe ky dyshohet të jetë bërë shkak i konfliktit mes palëve që solli edhe krimin e rëndë.

Ngjarja e rëndë ndodhi mbrëmjen e djeshme në lagjen “Havaleas” të fshatit Kozare. Familjarët e 64-vjeçares e kishin kërkuar atë prej orësh dhe më pas kishin njoftuar për ndihmë policinë. Vetëm një orë më pas, gruaja u gjet në kanal 1 km larg banesës së saj.

Në momentin e gjetjes së trupit, gruaja ishte e zhveshur nga mesi e poshtë dhe e mbuluar me gjethe dhe rrogoza domatesh brenda në kanal. Viktima u transportua drejt morgut të spitalit të Beratit. Si rezultat i autopsisë u arrit në përfundim se ajo ishte mbytur me duar.

Autoritetet vijuan hetimet për ngjarjen e rëndë pyetën dëshmitarët si dhe këqyrën kamerat e sigurisë. Në vijim u arrestua Fetah Narra, 58 vjeç, i cili dyshohet se është autori i vrasjes së 63-vjeçares./Opinion.al

Pas