Policia e Tiranës ka vënë në pranga një 25-vjeçar, i cili kishte planifikuar të vidhte në dy automjete të parkuara pranë një pallati në kryeqytet.
Bëhet me dije se i riu me iniciale Xh. Ll u arrestua në flagrancë në bulevardin “Bajram Curri” pasi në momentin që kishte thyer xhamat trekëndësh të dy automjeteve një banor ka njoftuar policinë.
Po ashtu policia njofton se nga hetimet paraprake rezulton se i riu ka vjedhur pesë automjete të ndryshme, në një kompleks pallatesh në Tiranë, duke përvetësuar sende të ndryshme, të cilat u sekuestruan në cilësinë e provës materiale.
Gjithashtu, ai është autor i dyshuar i vjedhjes në dy lokale, njëri në rrugën “Dritan Hoxha” dhe tjetri në rrugën “Lavdie Petrela”, në Tiranë./Opinion.al
