Policia e Durrësit ka vënë në pranga një 26-vjeçar, i cili ishte shpallur në kërkim, për vjedhje me dhunë.
I riu me iniciale M.H. është një nga dy autorët e 3 vjedhjeve me dhunë të sendeve personale.
Uniformat blu bëjnë me dije se bashkëpunëtori i tij P.C., i arrestuar më 6 Maj, dhe 26-vjeçari janë autorë të vjedhjeve me dhunë të një varëse floriri, një unaze dhe një celulari, në pronësi të 3 personave të ndryshëm.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
