Autokritika e Canës: Gabuam, o hodhëm të gjithë në sulm

ELBASAN- Lorik Cana duke folur pas ndeshjes ka pranuar se humbja ishte për shkak të gabimeve të skuadrës sonë kombëtare. Kapiten Cana tha se nuk u zbatua urdhri për të mos kaluar të gjithë në sulm. “Hera e dytë pas ndeshjes me Portugalinë që pësojmë gol në fund. Sot ndoshta ishte edhe më evidente që nuk e kishim forcën për të shënuar, por nuk duhej ta pësonim. Në ato minuta finale po mundoheshim të mos rrezikonim dhe të mos kalonim të gjithë në aventurë, por nuk e zbatuam mjaftueshëm këtë urdhër. Një gabim që erdhi nga dëshira e madhe për të fituar, pasi ishte shansi për të festuar që sot kualifikimin, por kjo na kushtoi shtrenjtë. “Duhej më shumë qetësi dhe të mjaftoheshim me 0­0, që na lejonte të shkonim për dy rezultate në Armeni”, u shpreh Cana për Digitalb, direkt pas ndeshjes në Elbasan Arena. “Tani jemi të detyruar të përmirësohemi urgjentisht, sepse luajmë finalen në Armeni”, shtoi ai.