Një autobus shpërtheu në flakë pasi u përplas me një kamion, mëngjesin e së hënës në Gjermaninë jugore, duke lënë të plagosur 31 presona, ndërsa 17 të tjerë rezultojnë të zhdukur.
Policia tha se shumë prej të lënduarve kanë marrë plagë të rënda. Aksidenti ndodhi orët e para të mëngjesit, pranë Muenchberg, në Bavari. Sipas zëdhënëses së policisë, Irene Brandenstein në autobus ndodheshin 2 shoferë dhe 46 persona.
Mediat gjermane shfaqen pamjet e mjetit, i tëri i shkrumbuar.
Helikopterë dhe ambulanca të shumta shkuan në vendin e ngjarjes për t’i ardhur në ndihmë të lënduarve, ndërsa autostrada A9 u mbyll në të dyja anët për shkak të këtij aksidenti. Brendenstein tha se autobusi kishte goditur kamionit, ndërkohë që ndodheshin në trafik. Sa i përket 17 personave që rezultojnë të zhdukur, zëdhënësja e policisë u shpreh se fati i tyre ende nuk dihet. Ajo nuk përjashtoi mundësinë që ata të mos kenë mundur të dalin nga autobusi./tvklan.al
