Një autobus i linjës Fier-Patos ka marrë flakë për shkak të një defekti teknik.
Shoferi, sapo pa tymin, ndaloi autobusin dhe zbriti me shpejtësi pasagjerët.
“Rreth orës 19:15, në aksin rrugor “Fier-Patos”, dyshohet se për shkak të një defekti teknik, ka marrë flakë në ecje, një autobus me drejtues shtetasin I. Xh.
Falë reagimit të menjëhershëm të forcave të Policisë dhe zjarrëfikses është bërë e mundur fikja e zjarrit.
Si pasojë e zjarrit janë shkaktuar vetëm dëme materiale.
Grupi hetimor vijon punën për dokumentimin me prova ligjore të shkakut të rënies së zjarrit”,-njofton policia.
