26 persona humben jetën dhe 13 të tjerë kanë mbetur të plagosur pasi autobusi me të cilin ata udhëtonin ra në një humnerë rreth 150 metra dhe përfundoi në lumë.
Ngjarja ka ndodhur në Palembang të Indonezisë. Rreth 120 persona janë angazhuar në një operacion kërkim shpëtimi për t’i ardhur në ndihmë të plagosurve e për të nxjerrë trupat e pajetë.
Në autobus kanë qenë rreth 50 pasagjerë sipas autoriteteve lokale.
Aksidente me pasoja të rënda janë të shpeshta në Indonezi si pasojë e terrenit të vështirë dhe infrastrukturës jo të mirë të rrugëve në zona të thella. /Opinion.al
