Grabitja e djeshme e parave në Rinas është pasqyruar edhe në mediat ndërkombëtare. Për “The Guardian”, zëdhënësja e kompanisë “Austrian Airlines” ka deklaruar se do të ndalohet transportimi i parave cash nga Tirana drejt Vjenës për arsye sigurie.
Tanja Gruber ka treguar për gazetën britanike se si ka ndodhur edhe grabitja. “Sapo ishte kryer imbarkimi i pasagjerëve. Në asnjë moment nuk ka pasur rrezik për stafin dhe pasagjerët. Nisja e avionit u shty 3 orë për shkak të grabitjes”, ka thënë ajo.
“The Guardian” shkruan se janë vjedhur 2,5 milionë euro, megjithëse thotë se sipas mediave shqiptare shuma mund të jetë 5 herë më e lartë./Opinion.al
