Australia i ka anuluar vizën tenistin numër një të botës Novak Djokovic, duke i ndaluar të marrë pjesë në turneun “Australia Open”.
Novak Djokovic njoftoi në fillim të kësaj jave se do të luante në Australian Open i pavaksinuar. Ky fakt shkaktoi një reagim të furishëm te banorët australianë.
Tani lojtari e ka gjetur veten të ndaluar në një hotel për emigrantët dhe po lufton kundër deportimit.
Lajmi se Gjokoviç i ishte miratuar leja për të luajtur në Australian Open, i cili fillon më 17 janar, u zbulua nga vetë lojtari të martën.
Australia kërkon që të gjithë vizitorët e huaj që hyjnë në vend të marrin të dyja dozat e vaksinës, përndryshe, ata duhet të kalojnë 14 ditë në karantinë.
Por Gjokoviç, i cili nuk besohet të jetë i vaksinuar, tha në mediat sociale se kishte fituar një leje mjekësore për të luajtur në Grand Slam, vendio ku do të zhvillohet kompeticioni sportiv.
Tenis Australia, që drejton Australian Open – konfirmoi se lojtari kishte fituar të drejtën për të marrë pjesë përmes përjashtimeve nga rregullat e vaksinimit kundër COVID që kishte përcaktuar Australia. Ai tha se në total 26 atletë kishin aplikuar dhe “një pjesë e vogël” kishin arritur të siguronin leje mjekësore.
Arsyet e përjashtimit përfshijnë një gjendje akute mjekësore – siç është një sëmundje inflamatore kardiake ose kalimi i Covid-19 në gjashtë muajt e fundit.
Kryeministri australian Scott Morrison tha se nëse tenisti ‘nuk kishte një raport të vlefshëm mjekësor që e përjashton atë nga bërja e vaksinës’, atëherë duhet të largohet nga Australia.
“Hyrja me vizë kërkon vaksinim me të dyja dozat ose një raport mjekësor që të përjashton nga vaksinimi. Por nëse nuk je i vaksinuar me të dyja dozat dhe nëse nuk je shtetas australian nuk mund të vish në Australi. Nëse viza anulohet atëherë personi duhet të largohet nga Australia”, tha ai.
Avokatët e Djokovic planifikojnë të kundërshtojnë dëbimin e tij nga Australia, ndërsa seanca gjyqësore është përcaktuar të mbahet pasditen e sotme.
