Pas Zelandës së Re, edhe Australia ka hyrë zyrtarisht në vitin 2017. Festa me fishekzjarre ka mbushur qiellin ndërsa qytetarë të shumtë kanë dalë në sheshe për të festuar.
Festa e Vitit të Ri është përcjellë nga miliona australianë që i kanë dhënë lamtumirën vitit 2016 nën një qiell të mbushur me ngjyrat e fishekzjarrëve, një spektakël mahnitës.
Më shumë se 1.5 milion njerëz u dyndën në brigjet e portit të Sydney për të parë spektaklin e fishekzjarrëve të hedhura edhe në nderim të disa legjendave muzikore që ndërruan jetë në vitin 2016.
Fishekzjarrët vjollcë vërshuan si shi në Urën Harbour në Sydney për të nderuar artistin Prince, ndërkohë që ka pasur edhe një përshëndetje për David Bowie.
