Aurela Hoxha ka qenë e ftuara e radhës në emisionin ‘Wake Up’ në ‘Top Channel’. Fashionista e njohur që së fundmi është kthyer nga Java e Modës në Milano foli në studion e emisionit për udhëtimet dhe takimet e saj me personazhet VIP, ku sigurisht nuk mund të lihej pa përmendur njohja e saj me aktorin Leonardo Di Caprio.
E pyetur nga moderatorët për bisedën që ajo pati me yllin e kinemasë, Aurela rrëfeu se ishte një gafë që ajo kishte bërë, që e pengonte të thoshte çfarë ata kishin biseduar.
‘Unë i thashë një gjë, të cilën e di vetëm unë dhe im vëlla, sepse kisha shumë turp t’ja thosha gjithë të tjerëve, ngaqë unë bëra një lapsus. Lashë nam, por jo aq shumë duke qenë se vijoj të kem ftesa për të gjitha pritjet që ai bën!’- u shpreh duke qeshur Hoxha.
