Një mesazh audio i një vajze të paidentifikuar është përhapur sot me shpejtësi në aplikacionin Whatsapp duke përhapur panik tek qytetarët pasi thuhej se në Shqipëri ishin konfirmuar disa raste koronavirusi.
Ajo thotë ndër të tjera se vjehrra e motrës i ka thënë se janë regjistruar 12 raste vetëm këtë javë dhe se shteti po e fsheh këtë gjë.
Ky mesazh mori vëmendjen e autoriteteve të cilat reaguan menjëherë duke thënë se në Shqipëri nuk ka raste të konfirmuara të koronavirusit. Të njëjtën gjë përsërit në një reagim të tijin dhe kryeministri Rama.
LEXO EDHE – Koronavirusi/ Rama: Jemi gati të përballemi…
Pas kësaj vajza e paidentifikuar ka shpërndarë një tjetër mesazh audio në Whatsapp ku i kërkon vajzave të grupit të punës, ku dhe kishte nisur mesazhin e parë, si edhe të gjithë personave të tjerë që ta fshinin audion se ishte bërë problem dhe se kishin thirrur në polici.
Audio 2:
“Goca kjo audio është e imja. E kam nisur te grupi i punës para pak orësh dhe ju lutem, ju lutem, ju lutem fshijeni. Të gjithë njerëzve që ua keni dërguar thuajini fshijeni se unë nesër kam për të shkuar në polici dhe kam për të dhënë deklaratë gjasme për lajme fake. Të lutem kushdo që e merr këtë audio, ti thonë që ta fshini dhe mos ta shpërndajë më se është bërë problem shumë i madh. Ju lutem, ju lutem, ju lutem fshijeni”.
Audio 1:
“Goca, se po më shkruante motra tani. Vjehrra e motrës time është mjeke në spital dhe na mori në telefon dhe na ka thënë që janë konfirmuar shumë raste me koronavirus në Shqipëri, kështu që evitoni kafet e mbyllura ku ka shumë njerëz, autobusat, përdorni higjienizues, mos i takoni njerëzit, thojuni “mirëmëngjes” “mirëdita”, por mos u jepni duart që të keni kontakt me frymëmarrjen. Pini lëng portokalli se forcon imunitetin se kush ka imunitetin e dobët më i rreziku dhe çështja është se do përhapet në masë, se nuk kemi as kushtet e duhura për t’i mbajtur në karantitë të infektuarit tha ajo. Nuk është për të përhapur panik, por bëni kujdes me këto gjërat kështu. Mbani gjithmonë higjienizues me vete, lani duart sa më shpesh, nëse hipni në autobusa shpesh merrni maska se nuk i dihet. Nuk është bërë akoma publike se nuk e lejon shteti domethënë mbi 12 raste vetëm javën e fundit”. /Opinion.al
