Edhe në këtë javë emisioni ‘Opinion’ është vënë nën patronazh të temave që vijnë nga aktualiteti dhe zhvillimeve më të fundit në vend.
Më poshtë ju sjellim audiencën e emisioneve ‘Opinion’ të kësaj jave, emisionin më të ndjekur dhe atë më pak të ndjekur.
Ditën e hënë (19 shkurt 2018), në ‘Opinion’ u fol për bisedimet me Greqinë dhe marrëveshjen e detit: “Marrëveshja e detit, Meta ndalon Ramën!”. Audienca mesatare e këtij emisioni ishte 35.8%, ndërsa audienca maksimale arriti në 47.3%.
Ditën e martë u trajtua tema për arrestimet që ndodhën ndaj disa zyrtarëve gjatë javës: “Arrestime dhe ndëshkime apo politike”, audienca mesatare në këtë emision ishte 40.7% dhe audienca maksimale ka arritur në 52.5%, duke shënuar kështu emisionin më të ndjekur të gjithë kësaj jave në ‘Opinion’.
Ditën e mërkurë u fol për Kosovën: “Kush po kërkon të ndajë Kosovën”, në këtë emision mesatarja ishte 34.4% dhe maksimalja e audiencës ka arritur në 42.9%.
Ditën e enjte ne emision ishte i ftuar kryebashkiaku i Tiranës Erion Veliaj: “Erion Veliaj për kullat dhe teatrin”, audienca mesatare e të enjtes mbrëma në ‘Opinion’ ishte 34.2% dhe audienca maksimale arriti në 43.9%.
Duke u bazuar në këto të dhëna, emisioni më i ndjekur ka qenë ai i ditës së martë, arrestimet e zyrtarëve; pas tij renditet emisioni i ditës së hënë për marrëveshjen e detit me Greqinë. Më tej në bazë të audiencës renditet emisioni i ditës së enjte, ku në studio ishte kryebashkiaku i Tiranës Erion Veliaj. Emisioni më pak i ndjekur i kësaj jave ishte ai ku u fol për Kosovën dhe planin për ndarjen e saj.
Pra emisioni për arrestimet e zyrtarëve duket se ka arritur të jetë më i ndjekur edhe se ai kur në studio ishte kryebashkiaku Veliaj, i cili është renditur i treti për nga audienca. /G.Zaimaj-opinion.al
