Një në tre studentë britanikë janë të gatshëm të shkëmbejnë marrëdhënie seksuale me një të panjohur në këmbim të arsimit falas. Ky është shqetësimi i fundit i ngritur atje për shkak se brezi i studentëve po futet në borxhe apo në lidhje të shumta seksuale si shkak i rritjes së tarifave të shkollimit dhe shpenzimeve të jetesës si dhe ulje të fondeve.
Duke iu përgjigjur pyetjeve për një projekt kërkimor të kryer nga Universiteti i Londrës South Bank me The Independent, shumica dërrmuese e studentëve kanë thënë se do e merrnin në konsideratë të krijonin lidhje seksuale në këmbim të ndihmës financiare për të kryer studimet.
Anketa e analizuar nga The Independnet ka marrë në pyetje 1477 pjesëmarrës, dhe u gjet se 70 % janë të stresuar mbi paratë, dhe 53 % që janë detyruar të punojnë dhe të studiojnë njëkohësisht për të mbuluar shpenzimet e tyre .
Të paktën 88 % thanë se do të ishin disi të interesuar që dikush tjetër të paguante për shkollimin e tyre, me më shumë se gjysmën 52 % që pranonin se ishin “shumë të interesuar”.
Duke komentuar gjetjet, Shelly Asquith, nënpresident i NUS për mirëqenien, tha: “Në kontekstin e rritjes së tarifave të shkollimit, rritjes së qirasë dhe heqjes së granteve të mirëmbajtjes, nuk është çudi që studentët po kërkojnë gjithnjë e më shumë mënyra të reja për të financuar diplomën e tyre”.
Prej 920 pjesëmarrësve që u përgjigjën në pyetjen: “Sa do të ishit për një arsim falas të financuar nga dikush që do krijonit lidhje? 75 % thanë se do të investonin një pjesë të kohës së tyre për jë marrëdhënie intime.
Studiuesit e projektit të Universitetit ndër to Julia Shaw dhe Gemma Daglish thanë se të anketuarit ishin të gatshëm të shkonin “më tej” se sa kishin pritur dhe se ideja e të rinjve për të kryer marrëdhënie seksuale në këmbim të arsimit falas ishte e fundit që mund të ndodhte.
Të rinjtë kanë përdorur termin ‘Sugar baby’, që sipas ekspertëve tingëllon pak më mirë se ‘prostitutë’ ose ‘eskortë’./Tirana Post
