Një shpërthim i fuqishëm ka ndodhur mengjesin e sotëm në një fast food në qendër të Athinës, i cili u pasua me nje zjarr te fuqishem.
Raportimet e deritanishme njoftojnë për një viktimë dhe 6 të plagosur. Tre prej të plagosurve ishin klientë.
Fast food “Everest”, ku ndodhi shperthimi ndodhet në një prej zonave më të populluara të Athinës, në hyrje të stacionit të metrosë në sheshin Viktoria.
Nga vala e shpërthimit u shkaktuan dëmtime edhe në objektet përreth, ndërkohë që disa motoçikleta fluturuan në ajër.
Sipas vlerësimeve të para, shpërthimi mund të ketë ndodhur gjatë punimeve për instalimin e sistemit të gazit natyror, që po kryheshin në kuzhinën e lokalit në katin e nëndheshëm.
