Një sherr ka ndodhur mëngjesin e së martës në Aegaleo mes pesë personave, ku mes tyre ndodhej edhe një shqiptar.
Sipas mediave greke ngjarja ka ndodhur rreth orës 10.00, ku mësohet se tre persona janë konfliktuar me një çift për arsye ende të paqarta.
Në video shihet se dy makinat kishin ndaluar fillimisht në semafor të kuq. Më pas, drejtuesit e dy mjeteve kanë nisur të bisedojnë me tone të larta dhe nga njëra makinë kanë zbritur tre persona, të cilët janë vërsulur drejt çiftit.
Ata iu afruan dhe filluan të rrahin dhe godasin 43-vjeçarin të identifikuar si shtetas shqiptar, si dhe gruan që e shoqëronte.
Në tentativë për t’u arratisur, tre personat e kanë tërhequr zvarrë 43-vjeçarin dhe e kanë hedhur në tokë.
Pas sherrit burrë e grua janë dërguar në spitalin Thriasio për ndihmë mjekësorë, ku raportohet se janë jashtë rrezikut për jetën.
Ndërkohë tre personat e tjerë janë shoqëruar nga Policia për veprime të mëtejshme procedurale./Opinion.al
