Eshtë zbuluar identiteti i shqiptarit që u qëllua dje në Ekuador teksa udhëtonte në makinën e tij duke marrë tre plumba. Vizion Plus jep më shumë detaje duke thene se i plagosuri nga sulmi me armë është Remzi Azemi, shqiptar i Kosovës.
Gjatë ditës së djeshme mediat vendase shkruanin për një shqiptar të implikuar me trafikun e drogës, por pa dhënë detaje mbi identitetin e tij.
Në momentin e atentatit shqiptari ishte i shoqëruar me një vajzë për të cilën mediat shkruajnë se mendohet që të ketë qenë bashkëshortja. Ka qenë pikërisht vajza që është bërë shkak i sulmit, sepse mendohet se ka hapur pak xhamin e makinës së blinduar Ford, gjë që i ka dhënë mundësinë atentatorit të qëllojë përmes xhamit të hapur.
Atentatori sikurse mësohet e ka ndjekur mjetin me një motorr dhe ka qenë shumë pranë tij në çastin që xhami është hapur.
Policia vendase është e bindur se bëhet fjalë për pazare te prishura të trafikut ndërkombëtar të kokainës dhe aktualisht kanë ndaluar një 22-vjeçar të akuzuar për tre vrasje.
Ky është rasti i dytë që shqiptarët në Ekuador bien pre e sulmeve brenda një harku të shkurtër kohor. Kujtojmë se në maj të këtij viti në Ekuador u qëlluam për vdekje Ilir Hidri.
