Një tjetër shqiptar është vënë në shënjestër të një atentati në Itali në orët e fundit.
Pas ekzekutimit mafioz dy ditë më parë në qendër të qytetit të Barit të shqiptarit 23 vjeçar, Viktorian Picaku, gjatë natës së djeshme është qëlluar me armë zjarri shqiptari me inicialet D.Q.
Ngjarja ka ndodhur pranë banesës së tij në qytetin Oderzo, Trevizo.
Shqiptari, i moshës 40 vjeç, punonte si truprojë në një kazino.
Ai mbeti i plagosur, rreth orës orës 3.40 në rrugën “Volta” pranë stacionit të autobusit, raporton “Corriere della Sera”.
