Të tjera detaje janë zbardhur nga atentati i mbrëmjes së sotme ku në zonën e “Don Boskos” në Tiranë mbeti i vrarë një person dhe u plagosën 4 të tjerë.
Viktima është identifikuar si Erion Çela nga Dibra, ndërsa të plagosurit e tjerë janë Arben Dani 46 vjeç i dëmtuar në këmbë, Blerim Çela 28 vjeç i dëmtuar në këmbën e djathtë dhe në fytyrë, vëllai i viktimës, i plagosur në bark dhe këmbë edhe Edmond Crroj 41 vjeç.
Po ashtu, me armë zjarri u qëllua edhe Azbi Selimaj 19 vjeç i dëmtuar në shpatull, i cili mësohet se është kamerieri i lokalit dhe se nuk ka patur lidhje me konfliktin mes vikimës dhe autorëve.
Sipas informacioneve, mësohet se Edmond Crroj 41 vjeç është daja i viktimës dhe dhe rezulton se është person me precedent penal për trafik droge në Itali. Më herët, Edmond Crroji ke patur emrin Adriatik.
Nuk ka informacione nëse ngjarja e sotme ka lidhje me të shkuarën kriminale të 41-vjeçarit apo atentati ka ndodhur pas një konflikti që autorët dhe viktima ka patur brenda vendit./ Opinion.al
