Ditën e sotme u qëllua me armë zjarri Joan Muçollari në Pogradec, i cili është paraqitur vet në spital për të marrë ndihmë mjekësore.
Policia ka shkuar menjëherë në vendngjarje dhe pas hetimeve të para ka bërë të mundur identifikimin e autorëve. Ata janë Firdeus Berberi dhe Greisi Maxhari, të cilët janë shpallur në kërkim.
Dyshohet se atentati i sotëm ka lidhje me një konflikt disa vjeçar mes këtyre personave, pasi dy vite më parë u qëllua me armë zjarri në drejtim të hotel “Voloreka” në Tushemisht, konkretisht në gusht të 2020. Joan Muçllari, i cili u qëllua me armë këtë të hënë është djali i pronarit të hotel “Voloreka”.
Si nisi konflikti
Në fillim Joan Muçllarit i kane djegur një makinë BMË x6 në vitin 2020. Jetmir Muçllari, pronari i hotelit ka bere padi dhe pastaj ka shkuar për të dëshmuar në gjykatë. Në gjykatë i ka dalë para Ilir Berberi dhe i biri Fierdeus Berberi dhe i kanë thënë mos dëshmo.
Jetmir Muçllari ka hyrë në Gjykatë dhe ka dhënë dëshminë. Më pas, Ilir Berberi ka shkuar te hoteli dhe ka qëlluar me breshëri arme .
Si u bë arrestimi
Mes të arrestuarve si autorë të ngjarjes së ndodhur pranë një hoteli në Tushemisht, ku u qëllua me breshëri armësh, në 2020 u arrestua edhe Ilir Berberi. Ai u arrestua nga policia në një çadër që kishte ngritur enkas për tu strehuar.
Berberi është një person me rrezikshmëri të lartë shoqërore dhe një emër i njohur për policinë, ku ka qenë i hetuar dhe dënuar për vepra të ndryshme kriminale.
Ilir Berberi ka qenë i dënuar për gjobëvënie, vjedhje dhe armëmbajtje pa leje. Në Pogradec njihet si “Lili i Rrushkës”, ndërsa është hetuar edhe për disa ngjarje të rënda kriminale si për vrasjen e shefit të komisariatit në Pogradec Argon Gjyrezi.
52-vjeçari ishte edhe një nga personat e shpallur në kërkim për sulmin me armë që u bë më 9 gusht hotel Voloreka në Pogradec, ku u qëlluan makinat e parkuara në hotel dhe po ashtu edhe në drejtim të dhomës së djalit të pronarit të hotelit.
Për ngjarjen në Tushemisht janë arrestuar Ilir Meçolli, Ardian Xhuti, Elvir Haxhia dhe Mariglen Topuzi.
