Detaje të reja mësohen rreth atentatit të djeshëm në VLorë. I plagosuri Florjon Meçe ka qenë person me precendet, i dënuar për vrasje dhe i arratisur nga burgu. Për plagosjen e tij janë vënë dy persona në pranga, ndërsa një i tretë është shpallur në kërkim. Të arresturit janë Olgert Shehu, 38 vjeç, banues në Vlorë dhe Hajri Xhaferi, 53 vjeç, banues në Vlorë. Në kërkim 29-vjeçari Klejvis Gjahtari.
Sipas policisë, Klejvis Gjahtari, në bashkëpunim me shtetasin Olgert Shehu, ditën e djeshme para kryerjes së plagosjes, në lagjen “Ujë i ftohtë” dyshohet se kanë vjedhur me dhunë shtetasin Florjan Meçe, duke i marrë këtij të fundit automjetin e llojit “BMVX6” me targë AA 333 MK, portofolin me një sasi parash prej 500 euro, disa bizhuteri personale që dispononte me vete si dhe aparatin celular.
Ndërsa rreth 1 orë më vonë pas konfliktit për arsyet e mësipërme, në një rrugicë të lagjes “Pavarësia”, dyshohet se shtetasi Klejvis Gjahtari, ka plagosur me armë zjarri të llojit “Pistoletë” pronarin e mjetit të grabitur, i cili ndodhet në Spitalin Rajonal, në gjendje shëndetësore jashtë rrezikut për jetën.
Sipas policisë së Vlorës, shtetasi i plagosur Florjan Meçe, ka qenë i dënuar më parë për “Vrasje”. Ky i fundit, mësohet se ka qenë shpallur në kërkim gjithashtu për veprën penale “Largimi i të burgosurit nga vendi i qëndrimit” në vitin 2012.
Policia ka bllokuar dhe sekuestruar 2 automjete të gjetura rreth 500 m larg vendit të ngjarjes:
– automjetin “BencMercedes” me targë AA985NV,
– automjetin “BMVX6” me targë AA333MK,
– si dhe disa gëzhoja pistolete model 54 (pranë vendin të ngjarjes) të cilat do të dërgohen për ekzaminime të mëtejshme.
