Është zbardhur dëshmia e Marjon Mitros, i cili u qëllua dje me armë zjarri në Vlorë.
Në dëshminë e dhënë para autoriteteve Mitro ka deklaruar se ka qenë duke ecur me kurriz dhe nuk e ka parë autorin. Ndërsa ka shtuar se kohët e fundit nuk ka patur asnjë konflikt dhe se nuk di për cilat motive është qëlluar drejt tij.
Më tej ai tregoi se ka qëndruar disa minuta pa lëvizur derisa atentatorët janë larguar.
A2 raporton se policia ende nuk ka asnjë të dyshuar për ngjarjen e rëndë, ndërsa nuk ka arritur të gjejë kamera me fushëpamje nga vendi i ngjarjes, ç,ka mund të ndihmonte në identifikimin e autorëv.
Kujtojmë se Mitro ka qenë pjesë e dosjes së “tritolit” të Julian Sinanit. Rreth një vit më parë ai ka dalë nga burgu. Pjesa e kësaj dosje ka qenë edhe Erjon Mëhillaj, i cili vrau veten në burg.
Mitro është dënuar nga gjykata me 19 vite burg, ndërsa organi i akuzës kërkoi dënimin me 26 vite burg për të. Më pas, ai apeloi vendimin dhe Apeli i Krimeve të Rënda e uli atë në 8 vjet burg. Mitro akuzohej për tre vepra penale. Ai dyshohet se ka porositur atentatin e mbetur në tentativë ndaj ish-prefektit të Vlorës, Besnik Dervishi./Opinion.al
